Kvernsteinar på havets botn Steinkrossar Kongeleg opning av kvernsteinparken
Kvernstein på havets botn
Langs Norskekysten er det gjort fleire funn av havarerte båtlaster med kvernstein frå Hyllestad. Funnet av vel 500 steinar i Alversund i 1990 er langt det største, men også funn sør for Bergen i 1993 ved den tidlegare handelsstaden Bukken i Sund kommune (51 steinar), vidare i 1999 ved Kvitsøy i Rogaland (40 steinar) og i 1975 ved Håøya/Grimstad (80 steinar) gjev interessante opplysningar. Alle steinane er berre grovt tilhogne, og av varierande storleik. I alle lastene er det i hovudsak handkvernstein.
Hundrevis av kvernsteinar frå Alversund-forliset ligg i informasjonsbua i Kvernsteinsparken. Foto: Ingemar Nordstrand.
Kvernsteinlasta frå Alversund utgjer i alt 505 steinar, eller ca. 250 par, i det alt vesentlege handkvernsteinar, vart frakta attende til Hyllestad i 1990. Delar av lasta finst her i utstilling. Her fann ein også ei mengd steinpinnar som var brukt til å stabilisere lasta. Kvernsteinane er rekna å utgjere 4 årsverk, og må ha utgjort eit vesentleg tap. Lasta vog ca. 13 tonn og truleg ført av ein båt, t.d. ei jekt på minst 40 fot. Bergen Sjøfartsmuseum meiner lasta skriv seg frå 1750-1815, men dateringa er usikker så ho kan vere eldre.
Delar av lasta er utstilt i informasjonsbua ved Kvernsteinsparken. Også 48 handkvernsteinar og 113 stablepinnar frå forliset ved Bukken i Sund kommune er komen attende til Hyllestad.
